மின்ட் ரொட்டி (Mint Roti)

தேவையானப் பொருட்கள்

• கோதுமை மாவு - 2 கப்
• புதினா - 1/2 கப்
• கொத்தமல்லி - 1/4 கப்
• பச்சை மிளகாய் - 1 (விரும்பினால்)
• உப்பு - ருசிகேற்ப
• நெய் - தேவையான அளவு
• எண்ணெய் - தேவையான அளவு

1. கோதுமை மாவுடன் உப்பு கலந்து வைத்துக் கொள்ளவும். கொத்தமல்லி, புதினா, பச்சை மிளகாய் ஆகியவற்றை பொடியாக நறுக்கிக் கொள்ளவும்.
2. நறுக்கி வைத்திருக்கும் பச்சை மிளகாய், கொத்தமல்லி, புதினா ஆகியவற்றை மாவுடன் கலந்து வைக்கவும்.
3. மாவுடன் தேவையான அளவு தண்ணீர் மற்றும் எண்ணெய் சேர்த்து பிசைந்து அரை மணி நேரம் வைத்திருக்கவும்.
4. அதன் பின்னர் எடுத்து சப்பாத்தியாக தேய்த்துக் கொள்ளவும்.
5. தவாவை அடுப்பில் வைத்து சப்பாத்தியை போட்டு நெய் ஊற்றி சுட்டு எடுக்கவும்.
6. சுவையான மின்ட் ரொட்டி தயார்.